ಬಾಲಿವುಡ್ ನಟಿ, ಡಾನ್ಸರ್ ಮಲೈಕಾ ಅರೋರಾ (Malaika Arora) ಸದಾ ಸುದ್ದಿಯಲ್ಲಿರುತ್ತಾರೆ. ಸದ್ಯ ಚಿತ್ರಗಳಲ್ಲಿ ಅವರು ಹೆಚ್ಚು ಸಕ್ರಿಯರಾಗಿಲ್ಲದಿದ್ದರೂ ಕೂಡ ಅವರ ದಿರಿಸು, ಮಾತು, ಗೆಳೆಯ ಅರ್ಜುನ್ ಕಪೂರ್ ಜತೆಗಿನ ಸುತ್ತಾಟ ಈ ಎಲ್ಲಾ ಕಾರಣದಿಂದ ಅಭಿಮಾನಿಗಳ ಗಮನ ಸೆಳೆಯುತ್ತಿರುತ್ತಾರೆ. ಬಟ್ಟೆಯ ವಿಚಾರಕ್ಕೆ ಮಲೈಕಾ ಬಹಳ ಹಿಂದಿನ ಕಾಲದಿಂದಲೂ ಸುದ್ದಿಯಾಗುತ್ತಾರೆ. ಹಲವರಿಗೆ ಅವರ ಫ್ಯಾಶನ್ ಇಷ್ಟವಾದರೆ, ಮತ್ತೆ ಹಲವರು ಟೀಕಿಸುತ್ತಾರೆ. ಕೆಲವರು ಅತಿಯಾಯ್ತು ಎನ್ನುತ್ತಾರೆ. ಆದರೆ ಮಲೈಕಾ ಇದಕ್ಕೆಲ್ಲಾ ತಲೆಕೆಡಿಸಿಕೊಳ್ಳುವುದು ಕಡಿಮೆ. ಇಂಥದ್ದೇ ಮತ್ತೊಂದು ಪ್ರಕರಣ ಎದುರಾಗಿದ್ದು, ನಟಿ ಈ ಬಾರಿ ಖಡಕ್ ಉತ್ತರ ನೀಡಿದ್ದಾರೆ. ಇತ್ತೀಚೆಗೆ ಫರ್ಹಾನ್ ಅಖ್ತರ್ ಹಾಗೂ ಶಿಬಾನಿ ದಂಡೇಕರ್ ತಮ್ಮ ವಿವಾಹದ ನಂತರ ಪಾರ್ಟಿ ಆಯೋಜಿಸಿದ್ದರು. ಅದರಲ್ಲಿ ಮಲೈಕಾ ಕಪ್ಪು ಬಣ್ಣದ ಗೌನ್ ಮಾದರಿಯ ದಿರಿಸನ್ನು ಧರಿಸಿ ಭಾಗವಹಿಸಿದ್ದರು. ಮಲೈಕಾಗೆ ಅವರ ಸ್ನೇಹಿತೆಯರಾದ ಕರೀನಾ ಕಪೂರ್, ಕರಿಷ್ಮಾ ಕಪೂರ್, ಅಮೃತಾ ಅರೋರಾ ಸಾಥ್ ನೀಡಿದ್ದರು. ಮಲೈಕಾ ದಿರಿಸಿಗೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದರೆ ಮತ್ತಷ್ಟು ಜನರು ಕಟುವಾಗಿ ಟೀಕಿಸಿದ್ದರು. ಇವುಗಳಿಗೆ ನಟಿ ಉತ್ತರಿಸಿದ್ದಾರೆ.