ಕೇರಳದ ಇತಿಹಾಸದಲ್ಲಿ ಪ್ರಪ್ರಥಮ ಬಾರಿಗೆ ಖಾತೆ ತೆರೆದ ಬಿಜೆಪಿ!
ಲೋಕಸಭಾ ಚುನಾವಣೆಯಲ್ಲಿ (Loksabha Election) ಕೇರಳದಲ್ಲಿ (Kerala) ಬಿಜೆಪಿ (BJP) ಮೊದಲ ಖಾತೆ ತೆರೆದಿದೆ. ತ್ರಿಶೂರ್ (Trissur) ಕ್ಷೇತ್ರದಿಂದ ಭಾರತೀಯ ಚುನಾವಣಾ ಆಯೋಗದ (ECI) ವೆಬ್‌ಸೈಟ್ ಪ್ರಕಾರ, ಮಲಯಾಳಂ (Mollywood) ಚಿತ್ರರಂಗದ ಹಿರಿಯ ನಟ ಮತ್ತು ಬಿಜೆಪಿ ಅಭ್ಯರ್ಥಿ ಸುರೇಶ್ ಗೋಪಿ (Suresh Gopi) ಅವರು ಸಿಪಿಐ ಅಭ್ಯರ್ಥಿ ಸುನೀಲ್‌ಕುಮಾರ್ ಅವರನ್ನು ಹಿಂದಿಕ್ಕಿ ಮಧ್ಯಾಹ್ನ 12.55 ರ ಹೊತ್ತಿಗೆ 69,183 ಮತಗಳ ಅಂತರದಿಂದ ಮುನ್ನಡೆ ಸಾಧಿಸಿದ್ದಾರೆ.
ಆರಂಭಿಕ ಫಲಿತಾಂಶಗಳು ಸುರೇಶ್ ಗೋಪಿ ಅವರಿಗೆ ಹತ್ತಿರದ ಪ್ರತಿಸ್ಪರ್ಧಿ ಕಾಂಗ್ರೆಸ್ ಪಕ್ಷದ ಕೆ ಮುರಳೀಧರನ್ ಎಂದು ತೋರಿಸಿತ್ತು. ಚುನಾವಣಾ ಕಣದಲ್ಲಿದ್ದ ಮತ್ತೊಬ್ಬ ಅಭ್ಯರ್ಥಿ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾದ ಸುನೀಲ್ ಕುಮಾರ್.
ಬಿಜೆಪಿ ಸರ್ಕಾರ ರಚನೆಯಾದ್ರೆ ಸಚಿವ ಸ್ಥಾನ ಗ್ಯಾರೆಂಟಿ
ಕೇರಳದಲ್ಲಿ ಬಿಜೆಪಿಯಿಂದ ಸ್ಪರ್ಧೆ ಮಾಡೋದು ಅಂದರೆ ಸುಲಭದ ಮಾತು ಅಲ್ಲವೇ ಅಲ್ಲ. ಗೆಲ್ಲೋದು ದೂರದ ಮಾತು. ಸ್ಪರ್ಧೆ ಮಾಡೋದೇ ಕಷ್ಟ. ಹೀಗಿದ್ದರೂ ಕೂಡಾ ಮಾಲಿವುಡ್ನ ಖ್ಯಾತ ನಟ, ಸುರೇಶ್ ಗೋಪಿ ಅವರು ಸ್ಪರ್ಧಿಸಿ ಗೆಲುವಿನ ನಗೆ ಬೀರಿದ್ದಾರೆ. ಆದ ಕಾರಣ ಬಿಜೆಪಿ ಸರ್ಕಾರ ರಚನೆ ಮಾಡಿದರೆ ಸುರೇಶ್ ಗೋಪಿ ಅವರಿಗೆ ಪಕ್ಕಾ ಸಚಿವ ಸ್ಥಾನ ಸಿಗಲಿದೆ.
ಸುರೇಶ್ ಗೋಪಿ ಸತತ ಎರಡನೇ ಬಾರಿಗೆ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದಾರೆ. 2019 ರಲ್ಲಿ, ಅವರು ಕಾಂಗ್ರೆಸ್ ಅಭ್ಯರ್ಥಿ ಟಿಎನ್ ಪ್ರತಾಪನ್ ಅವರಿಂದ 1,21,267 ಮತಗಳಿಂದ ಸೋಲಿಸಲ್ಪಟ್ಟರು. ಮೂರನೇ ಸ್ಥಾನ ಪಡೆದಿದ್ದರು.
ಆದರೂ ಕೂಡಾ 2019ರಲ್ಲಿ ಸುರೇಶ್ ಗೋಪಿ ಚುನಾವಣೆಯಲ್ಲಿ ಸ್ಪರ್ಧಿಸಿದ ಕಾರಣ ಬಿಜೆಪಿ ತನ್ನ ಮತ ಹಂಚಿಕೆಯಲ್ಲಿ 2014 ರಲ್ಲಿ 11.1% ರಿಂದ 2019 ರಲ್ಲಿ 28.2% ಗೆ ಪ್ರಭಾವಶಾಲಿಯಾಗಿ ಏರಿಕೆ ಕಂಡಿದೆ. ಪಕ್ಷವು ದಕ್ಷಿಣ ರಾಜ್ಯದಲ್ಲಿ ಲೋಕಸಭಾ ಸ್ಥಾನವನ್ನು ಗೆದ್ದಿರಲಿಲ್ಲ. ಹಾಗಾಗಿಯೇ ಬಿಜೆಪಿ ಖಾತೆಯನ್ನು ತೆರೆಯಲು ನಟ ಸುರೇಶ್ ಗೋಪಿಯನ್ನು ಮತ್ತೊಮ್ಮೆ ಕಣಕ್ಕಿಳಿಸಿತ್ತು.
2021 ರಲ್ಲಿ, ಸುರೇಶ್ ಗೋಪಿ ಅವರು ಕೇರಳ ರಾಜ್ಯ ವಿಧಾನಸಭೆ ಚುನಾವಣೆಯಲ್ಲಿ ತ್ರಿಶೂರ್ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಆದರೆ ಗೆಲ್ಲಲು ಸಾಧ್ಯವಾಗಲಿಲ್ಲ. 3,806 ಮತಗಳಿಂದ ಸೋತಿದ್ದರು.
ಜನಪ್ರಿಯ ಮಲಯಾಳಂ ನಟನ ರಾಜಕೀಯ ಪ್ರಯಾಣವು ಏಪ್ರಿಲ್ 2016 ರಲ್ಲಿ ರಾಜ್ಯಸಭಾ ಸದಸ್ಯರಾಗಿ ಪ್ರಾರಂಭವಾಯಿತು. ಆಕೆಯನ್ನು ಭಾರತದ ರಾಷ್ಟ್ರಪತಿಗಳು ಪ್ರಖ್ಯಾತ ನಾಗರಿಕರ ವಿಭಾಗದಲ್ಲಿ ನಾಮನಿರ್ದೇಶನ ಮಾಡಿದರು. ನಂತರ ಅದೇ ವರ್ಷ ಅಕ್ಟೋಬರ್‌ನಲ್ಲಿ ಅವರು ಅಧಿಕೃತವಾಗಿ ಭಾರತೀಯ ಜನತಾ ಪಕ್ಷಕ್ಕೆ ಸೇರಿದರು.
ಪೊಲೀಸ್ ಪಾತ್ರಗಳಿಗೆ ಫೇಮಸ್
ಮಲಯಾಳಂ ಚಿತ್ರರಂಗದಲ್ಲಿ ಬಹಳಷ್ಟು ಕಾಲದಿಂದ ಪ್ರೇಕ್ಷಕರನ್ನು ರಂಜಿಸಿದ್ದ ಸುರೇಶ್ ಗೋಪಿ ಅವರು ಪೊಲೀಸ್ ಪಾತ್ರಗಳಿಗೆ ಫೇಮಸ್. ಅವರು ಮಾಡಿದ ಪೊಲೀಸ್ ಪಾತ್ರಗಳು ಇಂದಿಗೂ ಜನರಿಗೆ ಅತ್ಯಂತ ಪ್ರಿಯವಾಗಿವೆ. ಅಷ್ಟು ಸುಂದರವಾಗಿ ಪೊಲೀಸ್ ಪಾತ್ರ ಮಾಡಬಲ್ಲ ಮತ್ತೊಬ್ಬ ನಟ ಈಗ ಇಲ್ಲ ಎನ್ನುವುದು ಕೂಡಾ ಅಷ್ಟೇ ಸತ್ಯವಾಗಿದೆ. ಸದ್ಯ ನಟ ಸಿನಿಮಾಗಳಲ್ಲಿ ಅಷ್ಟು ಸಕ್ರಿಯವಾಗಿಲ್ಲ. ಬದಲಾಗಿ ರಾಜಕೀಯದತ್ತ ಹೊರಳಿದ್ದಾರೆ.
ಬಾಲಿವುಡ್ ಕ್ವೀನ್ ನಟಿ ಕಂಗನಾ ಅವರು ಈ ಬಾರಿ ಬಿಜೆಪಿ ಅಭ್ಯರ್ಥಿಯಾಗಿ ಮಂಡಿ ಕ್ಷೇತ್ರದಿಂದ ಸ್ಪರ್ಧಿಸಿದ್ದಾರೆ. ಅವರು ಕೂಡಾ ಆರಂಭಿಕ ಮತ ಎಣಿಕೆ ಸುತ್ತುಗಳಲ್ಲಿ ಲೀಡ್ನಲ್ಲಿರುವುದು ಕಂಡು ಬಂದಿದೆ. ನಟಿ ಕೂಡಾ ಗೆಲ್ಲುವ ಸಾಧ್ಯತೆ ಇದೆ ಎನ್ನಲಾಗಿದೆ.
