ಕಳೆದ ಎರಡು ದಿನಗಳಿಂದ ಸಕ್ಕರೆ ನಾಡು ಮಂಡ್ಯ ಜಿಲ್ಲೆಯ ಕೆಆರ್‌ಪೇಟೆ ತಾಲೂಕಿನ ತ್ರಿವೇಣಿ ಸಂಗಮದಲ್ಲಿ ನಡೆಯುತ್ತಿರುವ ಮಹಾ ಕುಂಭ ಮೇಳ ಲಕ್ಷಾಂತರ ಜನರನ್ನು ತನ್ನತ್ತ ಸೆಳೆಯುತ್ತಿದೆ. ಅದ್ರಲ್ಲೂ ಇಂದು ತ್ರಿವೇಣಿ ಸಂಗಮದ ದಡದಲ್ಲಿ ನಡೆದ ಕಾಶಿ ಮಾದರಿಯ ಗಂಗಾರತಿ ಭಕ್ತರ ಮನಸ್ಸಿನಲ್ಲಿ ಭಕ್ತಿ ಸುದೆಯನ್ನು ಹರಿಸಿತು. ವಾರಾಣಸಿ ಮೂಲದ ರಣದೀರ್ ಪಾಂಡೆ ನೇತೃತ್ವದ 7 ಮಂದಿಯ ತಂಡ ನಾಗಾರತಿ ಹಾಗೂ ಗಂಗಾರತಿಯನ್ನು ನೆರವೇರಿಸಿ ಕೊಟ್ಟರು.

ಇದಕ್ಕೂ ಮುನ್ನ ನಡೆದ ನೀರಿನ ಲೇಸರ್ ಶೋ ಅಂತು ನೋಡುಗರನ್ನು ಇಮ್ಮಡಿಗೊಳಿತು. ಒಂದು ಬಾರಿ ಧಾರ್ಮಿಕ ಹಿನ್ನೆಲೆ, ಇನ್ನೊಂದು ದೈವಿಕ ಅಂಶದ ವರ್ಣನೆ, ಮಗದೊಮ್ಮೆ ನಮ್ಮ ದೇಶದ ಇತಿಹಾಸವನ್ನು ಸಂಗೀತದ ಜೊತೆ ಜೊತೆಗೆ ನೀರಿನ ಮೇಲೆ ಲೇಸರ್ ಬಿಟ್ಟು ಜನರನ್ನು ಆಕರ್ಷಿಸಲಾಯಿತು. ಪವರ್ ಸ್ಟಾರ್ ಡಾ.ಪುನೀತ್ ರಾಜ್‍ಕುಮಾರ್ ಅವರ ಲೇಸರ್ ಶೋ ಜನರಲ್ಲಿ ಅಪ್ಪುವಿನ ನೆನಪನ್ನು ಮರುಕಳಿಸುವಂತೆ ಮಾಡಿತು.