ಮಂಗಳವಾರ ರಾತ್ರಿ ಗೋಪಿ ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಸಾಧ್ಯತೆಯಿದ್ದು ಗೋಪಿಯ ಜತೆ ವಾಸವಿದ್ದ ಬಹುಲಿಯಾನ್ ಯಾನೆ ಬಾಬು ಈ ಘಟನೆಯ ಬಳಿಕ ನಾಪತ್ತೆಯಾಗಿದ್ದ. ಪೊಲೀಸರು ಆತನನ್ನು ವಶಕ್ಕೆ ಪಡೆದು ವಿಚಾರಿಸಿದಾಗ ಭಯದಿಂದ ತಾನು ಓಡಿಹೋಗಿರುವುದಾಗಿ ತಿಳಿಸಿದ್ದ. ರಬ್ಬರ್ ತೋಟದ ಹುಲ್ಲು ಕತ್ತರಿಸಲು ವಸಂತ ಎಂಬವರು ಬುಧವಾರ ಬೆಳಗ್ಗೆ ಬಂದವೇಳೆ ಗೇಟಿನ ಸ್ವಲ್ಪ ದೂರದಲ್ಲಿ ದಾರಿ ಬದಿಯಲ್ಲಿ ವ್ಯಕ್ತಿಯೊಬ್ಬರ ಮೃತತದೇಹ ಸುಟ್ಟಸ್ಥಿತಿಯಲ್ಲಿ ಕಂಡುಬಂದಿತ್ತು. ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿದಾಗ ತಕ್ಷಣವೇ ಸ್ಥಳಕ್ಕಾಗಮಿಸಿದ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ.