ಚಿನ್ನದ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ  ಅನ್ಶು ಮಲಿಕ್ , ನೈಜೀರಿಯಾದ ಅಡೆಕುರೊಯೆ ವಿರುದ್ಧ 3-7 ಅಂತರದಲ್ಲಿ ಸೋಲನುಭವಿಸಿದರು. ಪ್ರಸ್ತುತ ನಡೆಯುತ್ತಿರುವ ಕಾಮನ್‌ವೆಲ್ತ್ ಗೇಮ್ಸ್ 2022 ರ ಕುಸ್ತಿಯಲ್ಲಿ ಮಲಿಕ್ ಭಾರತಕ್ಕೆ ಮೊದಲ ಪದಕವನ್ನು ತಂದುಕೊಟ್ಟರು.

ಅನ್ಶು ಮಲಿಕ್  ಕಠಿಣವಾಗಿ ಹೋರಾಡಿದರು ಆದರೆ ಪಂದ್ಯದ ಆರಂಭದಲ್ಲಿ ತುಂಬಾ ರಕ್ಷಣಾತ್ಮಕವಾಗಿ ಆಡಿದ ಅವರು, ಕೊನೆಯ ನಿಮಿಷದಲ್ಲಿ ಪುಟಿದೇಳಲು ತಮ್ಮ ತಂತ್ರಗಳನ್ನು ಬದಲಾಯಿಸಿದರು, ಇದು ಒಡುನಾಯೊ ಫೋಲಸಾಡೆ ಅಡೆಕುರೊಯೆಗೆ ಪ್ರತಿದಾಳಿ ಮಾಡಲು ಅವಕಾಶ ಮಾಡಿಕೊಟ್ಟಿತು. ನೈಜೀರಿಯಾದ ಎದುರಾಳಿಯು ಪಂದ್ಯದುದ್ದಕ್ಕೂ ಪ್ರಬಲವಾದ ಹೋರಾಟ ನಡೆಸುವ ಮೂಲಕ ಚಿನ್ನದ ಪದಕ ಗೆದ್ದರು. ಅನ್ಶು ಮಲಿಕ್ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.