ಪಂಜಾಬ್ ಚುನಾವಣೆ ಫಲಿತಾಂಶ ರಾಷ್ಟ್ರದ ರಾಜಕೀಯ ಇತಿಹಾಸದಲ್ಲಿ ಮಹತ್ವದ ತಿರುವು ನೀಡಿದೆ.
ಇದುವರೆಗೆ ವಿರೋಧಪಕ್ಷದ ನಾಯಕನಾಗಿ ಬಹುತೇಕ ರಾಜ್ಯಗಳಲ್ಲಿ ಅಧಿಕಾರದಲ್ಲಿದ್ದ ಕಾಂಗ್ರೆಸ್ನ ಸ್ಥಾನವನ್ನು ಕ್ರಮೇಣವಾಗಿ ಆಮ್ ಆದ್ಮಿ ಪಕ್ಷ ವಶಪಡಿಸಿಕೊಳ್ಳುವ ಸೂಚನೆಯನ್ನು ನೀಡಿದೆ.

ಈಗ ಆಮ್ ಆದ್ಮಿ ಪಕ್ಷ ಎರಡು ರಾಜ್ಯಗಳಲ್ಲಿ ಅಧಿಕಾರದಲ್ಲಿದೆ. ಕಾಂಗ್ರೆಸ್ ಬಿಟ್ಟು ಎರಡು ರಾಜ್ಯದಲ್ಲಿ ಅಧಿಕಾರದಲ್ಲಿರುವ ಇನ್ನೊಂದು ವಿರೋಧಪಕ್ಷವಾಗಿ ಆಮ್ ಆದ್ಮಿ ಹೊರಹೊಮ್ಮಿದೆ.

ಆ ಮೂಲಕ ಪ್ರಾದೇಶಿಕ ಪಕ್ಷದ ತನ್ನ ಟ್ಯಾಗ್ಲೈನ್ ನನ್ನ ಕಳಚಿಕೊಂಡಿದೆ ಆದ್ಮಿ ಪಕ್ಷ. ಈಗ ರಾಷ್ಟ್ರೀಯ ಪಕ್ಷವಾಗಿ ರೂಪಗೊಂಡಿದೆ.

ಭ್ರಷ್ಟಾಚಾರ ದ ವಿರುದ್ಧ ಹೋರಾಟ ಹಾಗೂ ಅಭಿವೃದ್ಧಿ ಎಂಬ ಧ್ಯೇಯವಾಕ್ಯದೊಂದಿಗೆ ಮುನ್ನುಗ್ಗುತ್ತಿರುವ ಆಮ್ ಆದ್ಮಿ ಪಕ್ಷ ಪಂಜಾಬಿನಲ್ಲಿ ಸರ್ವರು ಬೆರಗಾಗುವಂತೆ ಫಲಿತಾಂಶವನ್ನು ನೀಡಿ ರಾಷ್ಟ್ರೀಯ ಪಕ್ಷ ಕಾಂಗ್ರೆಸಿಗೆ ಟಕ್ಕರ್ ನೀಡಿದೆ.

ಸ್ವಜನ ಹಿತಾಸಕ್ತಿ, ಅನರ್ಹರಿಗೆ ಪಕ್ಷದ ಹುದ್ದೆಗಳನ್ನು ಹಂಚುವುದು, ಬೆಂಬಲಿಗರಿಗೆ ಸ್ಥಾನಮಾನ ನೀಡುವ ಕಾಂಗ್ರೆಸ್ನ ಸಂಸ್ಕೃತಿಯ ವಿರುದ್ಧ ಜನರು ಹಾಗೂ ಕಾರ್ಯಕರ್ತರು ರೋಸಿಹೋಗಿದ್ದಾರೆ ಆ ಮೂಲಕ ಬದಲಿ ವಿರೋಧ ಪಕ್ಷವನ್ನು ದೇಶದ ಜನ ಎದುರುನೋಡುತ್ತಿದ್ದಾರೆ ಎಂಬುದು ಪಂಜಾಬಿನ ಚುನಾವಣೆ ಫಲಿತಾಂಶ ಸಾಬೀತುಪಡಿಸಿದೆ.

ಪಂಜಾಬಿನ ಚುನಾವಣೆ ಫಲಿತಾಂಶ ದೇಶದಲ್ಲಿ ಕಾಂಗ್ರೆಸ್ ಪಕ್ಷವನ್ನು ಇನ್ನಷ್ಟು ದುರ್ಬಲ ವಾಗುವಂತೆ ಮಾಡಿದೆ ಎನ್ನುತ್ತಾರೆ ವಿಶ್ಲೇಷಕರು. ಯಾವೊಂದು ರಾಜ್ಯದಲ್ಲೂ ಕಾಂಗ್ರೆಸ್ ಅಧಿಕಾರ ಪಡೆಯದೆ ಇರದಿರುವುದು ಆ ಪಕ್ಷ ದ ಸ್ಥಾನದಲ್ಲಿ ಆಮ್ ಆದ್ಮಿ ಪಕ್ಷ ಬರುವುದು ಖಚಿತ ಎಂಬುದು ರಾಜಕೀಯ ವಿಶ್ಲೇಷಕರ ಸ್ಪಷ್ಟ ಅಭಿಪ್ರಾಯ.