ಕೊಲಂಬೋ: ಕೊರೋನಾ ಮೂರನೇ ಅಲೆಯ ಹಿನ್ನೆಲೆಯಲ್ಲಿ ನೆರೆಯ ರಾಷ್ಟ, ಶ್ರೀಲಂಕಾ‌ದ ಪರಿ‌ಸ್ಥಿತಿ ಕೈ ಮೀರುತ್ತಿರುವ ಹಿನ್ನೆಲೆಯಲ್ಲಿ, ಭಾರತವು 150 ಟನ್ ಪ್ರಮಾಣ‌ದ ಆಮ್ಲಜನಕ‌ವನ್ನು ಶ್ರೀಲಂಕಾಗೆ ಕಳುಹಿಸಿ ಕೊಡುವ ಮೂಲಕ ಮಾನವೀಯ‌ತೆ ಮೆರೆದಿದೆ.
ಶ್ರೀಲಂಕಾ‌ದಲ್ಲಿ ಕೊರೋನಾ ಪರಿಸ್ಥಿತಿ ನಿಯಂತ್ರಣ ಮೀರುತ್ತಿದೆ. ಈ ನೆಲೆಯಲ್ಲಿ ದೇಶದಾದ್ಯಂತ ಸೆ. 13 ರ ತನಕ ಲಾಕ್ಡನ್ ಹೇರಲಾಗಿದೆ. ಇತಂಹ ಸಂದರ್ಭದಲ್ಲಿ ಭಾರತದ ವೈಜಾಗ್ ಮತ್ತು ಚೆನ್ನೈ‌ನಿಂದ ಆಮ್ಲಜನಕ ತುಂಬಿದ ಹಡಗುಗಳು ಕೊಲಂಬೋ‌ದ ಬಂದರನ್ನು ತಲುಪಿವೆ. ಭಾರತದ ಈ ನೆರವಿಗೆ ಶ್ರೀಲಂಕಾ ಮೆಚ್ಚುಗೆ ವ್ಯಕ್ತಪಡಿಸಿದೆ.
ಕೊರೋನಾ ಸೋಂಕಿತರ ಏರಿಕೆಯಿಂದಾಗಿ ಶ್ರೀಲಂಕಾ‌ದ ಆರ್ಥಿಕ ಮತ್ತು ಆರೋಗ್ಯ ಪರಿಸ್ಥಿತಿ‌ಗಳೆರಡೂ ಹದೆಗೆಟ್ಟಿದ್ದು, ಇಂತಹ ಸಂದರ್ಭದಲ್ಲಿ ಭಾರತ ಆಮ್ಲಜನಕ ಕಳುಹಿಸಿಕೊಡುವ ಮೂಲಕ ಶ್ರೀಲಂಕಾಗೆ ನೆರವಾಗಿದೆ.