ಶ್ರೀನಿಧಿ ಬ್ಯೂಟಿಗೆ ರಕ್ಷಿತ್ ಫಿದಾ, ಶೆಟ್ರೆ ಏನ್ ವಿಷ್ಯ ಎಂದು ಕಾಲೆಳೆದ ಫ್ಯಾನ್ಸ್
`ಕೆಜಿಎಫ್ 2′ (KGF 2) ಬ್ಯೂಟಿ ರೀನಾ ಅಲಿಯಾಸ್ ಶ್ರೀನಿಧಿ ಶೆಟ್ಟಿ (Srinidhi Shetty), ಪ್ಯಾನ್ ಇಂಡಿಯಾ ಸ್ಟಾರ್ ನಾಯಕಿಯಾಗಿ ಮಿಂಚಿದ ಮೇಲೆ ಕರಾವಳಿ ನಟಿಗೆ ಡಿಮ್ಯಾಂಡ್ ಜಾಸ್ತಿಯಾಗಿದೆ. ಇನ್ನೂ ಬಿಡುವಿದ್ದಾಗ ಆಗಾಗ ಚೆಂದದ ಫೋಟೋಗಳನ್ನ ನಟಿ ಶೇರ್ ಮಾಡ್ತಾರೆ. ಈ ಬಾರಿ ಕೂಡ ಕ್ಯೂಟ್ ಫೋಟೋವೊಂದನ್ನ ಸೋಷಿಯಲ್ ಮೀಡಿಯಾದಲ್ಲಿ ಶ್ರೀನಿಧಿ ಪೋಸ್ಟ್ ಮಾಡಿದ್ದರು. ಶೆಟ್ರ ಲುಕ್‌ಗೆ ರಕ್ಷಿತ್ ಫಿದಾ ಆಗಿದ್ದಾರೆ.
ಸಿನಿಮಾ ಜಗತ್ತಿನಲ್ಲಿ ಸೆನ್ಸೇಷನ್ ಕ್ರಿಯೆಟ್ ಮಾಡಿದ ಸಿನಿಮಾ ಕೆಜಿಎಫ್ 1, ಕೆಜಿಎಫ್2 ಚಿತ್ರದಲ್ಲಿ ನಟಿಸಿರುವ ಶ್ರೀನಿಧಿ ಶೆಟ್ಟಿ, ಆಗಾಗ ಹೊಸ ಫೋಟೋಶೂಟ್‌ನಿಂದ ನಟಿ ಮಿಂಚ್ತಿರುತ್ತಾರೆ. ಮಾರ್ಚ್ 28ರಂದು ಶ್ರೀನಿಧಿ, ನೇರಳೆ ಬಣ್ಣದ ಡ್ರೆಸ್ ಧರಿಸಿರುವ ಸೆಲ್ಫಿ ಫೋಟೋವೊಂದನ್ನ ಹಂಚಿಕೊಂಡಿದ್ದಾರೆ. ಬಳಿಕ `ಹಾಗೆ ಸುಮ್ಮನೆ’ ಎಂದು ಅಡಿಬರಹ ನೀಡಿದ್ದಾರೆ. ಈ ಪೋಸ್ಟ್ ನೋಡಿ ನಟ ರಕ್ಷಿತ್ ಶೆಟ್ಟಿ, ನಟಿಯ ಕಾಲೆಳೆದಿದ್ದಾರೆ.
ಹಾಗೆ ಸುಮ್ಮನೆ ?? pic.twitter.com/puEcIijsVS
— Srinidhi Shetty (@SrinidhiShetty7) March 27, 2023
ನಟಿ ಶ್ರೀನಿಧಿ ಶೆಟ್ಟಿ ಪೋಸ್ಟ್ ನೋಡಿ ರಕ್ಷಿತ್ ಶೆಟ್ಟಿ (Rakshit Shetty), `ಆಯ್ತು ಶೆಟ್ರೆ ಗೊತ್ತಾಯ್ತು’ ಎಂದು ತುಳುವಿನಲ್ಲಿ ಕಾಮೆಂಟ್ ಮಾಡಿದ್ದಾರೆ. ಬಳಿಕ ಹೌದಾ.. ಗೊತ್ತಾಯ್ತಾ ಶೆಟ್ರೆ, ಯಾರಿಗೂ ಹೆಳಬೇಡಿ ಎಂದು ರಕ್ಷಿತ್‌ಗೆ ಶ್ರೀನಿಧಿ ರಿಪ್ಲೈ ಕೊಟ್ಟಿದ್ದಾರೆ. ಇಬ್ಬರ ತುಳು ಸಂಭಾಷನೆ ನೋಡಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ. ಜೊತೆಗೆ ಏನ್ ಶೆಟ್ರೆ ಸಮಾಚಾರ ಎಂದು ಫ್ಯಾನ್ಸ್ ಕಾಲೆಳೆದಿದ್ದಾರೆ.
