ನವದೆಹಲಿ: ಕೇಂದ್ರ ಸರ್ಕಾರ ಕೊರೋನಾ ಲಸಿಕೆ ಕುರಿತಂತೆ ಮಹತ್ವದ ಸ್ಪಷ್ಟೀಕರಣವನ್ನು ನೀಡಿದ್ದು, ಅದರ ಪ್ರಕಾರ ಲಸಿಕೆ ಪಡೆಯಲು ಆಧಾರ್ ಕಾರ್ಡ್ ಕಡ್ಡಾಯವಲ್ಲ. ಈ ಬಗ್ಗೆ ಆಧಾರ್ ಪ್ರಾಧಿಕಾರ ಸ್ಪಷ್ಟನೆ ನೀಡಿದ್ದು ದೇಶದ ಪ್ರಜೆಗಳು ಆಧಾರ್ ಹೊಂದಿಲ್ಲದ ಕೂಡಲೇ, ಅವರಿಗೆ ರೋಗದ ಆರೈಕೆಯಿಂದ ಹಾಗೂ ಲಸಿಕೆಯಿಂದ ನಿರಾಕರಿಸುವಂತಿಲ್ಲ ಎಂದಿದೆ. ಈ ಬಗ್ಗೆ ಆಧಾರ್ ಕಾಯ್ದೆಯ ಕಲ೦ 7 ಯನ್ನು ಉಲ್ಲೇಖಿಸಿರುವ ಪ್ರಾಧಿಕಾರ ಯಾವುದೇ ನಿರಾಕರಣೆಯನ್ನು ಈ ಕಾಯ್ದೆ ಯ ಪ್ರಕಾರ ಮಾಡುವಂತಿಲ್ಲ ಎಂದಿದೆ. ಇದು ಅಲ್ಲದೆ ಸರ್ಕಾರದ ಉನ್ನತ ಸಂಸ್ಥೆಗಳಿಗೆ ಮತ್ತು ಅಧಿಕಾರಿಗಳಿಗೆ ಈ ಬಗ್ಗೆ ವಿಶೇಷ ಮಾಹಿತಿಯನ್ನು ರವಾನಿಸಲಾಗಿದೆ ಎಂದು ಆಧಾರ್ ಪ್ರಾಧಿಕಾರ ಸ್ಪಷ್ಟಪಡಿಸಿದೆ.

2017 ರಂದು ಕಾನೂನು ರೂಪದಲ್ಲಿ ಬಂದ ಆಧಾರ್ ಕಾಯ್ದೆ ಸಾರ್ವಜನಿಕ ವಿಷಯದಲ್ಲಿ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಲು ಕ್ಕೆ ಗುರಿಯನ್ನು ಹೊಂದಿದೆ ಹೊರತು ಯಾವುದೇ ನಾಗರಿಕರಿಗೆ ಮೂಲಭೂತ ಸೌಕರ್ಯಗಳನ್ನು ನಿರಾಕರಿಸುವ ಉದ್ದೇಶ ಹೊಂದಿಲ್ಲ ಎಂದು ಪ್ರಾಧಿಕಾರ ಸ್ಪಷ್ಟಪಡಿಸಿದೆ.ಈ ಮೊದಲು ಆಧಾರ್ ಕಾರ್ಡ್ ಹೊಂದಿದವರಿಗೆ ಕೆಲವು ಆಸ್ಪತ್ರೆಗಳಲ್ಲಿ ಹಾಗೂ ಸಂಸ್ಥೆಗಳಲ್ಲಿ ಚಿಕಿತ್ಸೆಯನ್ನು ನಿರಾಕರಿಸಲಾಗದು ವರದಿಗಳನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದ ನಂತರ ಈ ತೀರ್ಮಾನಕ್ಕೆ ಬಂದಿದೆ ಎನ್ನಲಾಗಿದೆ. ಈ ಮೂಲಕ ಲಸಿಕೆ ಹಾಗೂ ರೋಗದ ಆರೈಕೆಯನ್ನು ಪಡೆಯಲು ಆಧಾರ್ ಮುಖ್ಯವಲ್ಲ ಎಂಬುದನ್ನು ಪ್ರಾಧಿಕಾರ ಸ್ಪಷ್ಟಪಡಿಸಿದ ನಂತರ ಎಲ್ಲ ಗೊಂದಲಗಳಿಗೆ ತೆರೆ ಎಳೆಯಲಾಗಿದೆ.