ನ್ಯೂಯಾರ್ಕ್ (ಮೇ 14, 2023): ಕೆಲವು ಯೂಟ್ಯೂಬರ್‌ಗಳು ತಾವು ವಿಡಿಯೋ ಚಿತ್ರೀಕರಣ ಮಾಡಿಕೊಂಡು ಅದಕ್ಕೆ ‘ವ್ಯೂ’ (ವೀಕ್ಷಣೆ) ಹೆಚ್ಚು ಬರಬೇಕೆಂದು ನಾನಾ ಸಾಹಸ-ದುಸ್ಸಾಹಸ ಮಾಡೋದುಂಟು. ಅಂಥದ್ದರಲ್ಲಿ ಅಮೆರಿಕದ ಯೂಟ್ಯೂಬರ್‌ ಒಬ್ಬ ವಿಮಾನದಿಂದ ತಾನು ಹಾರಿ ಅದನ್ನು ಅಪಘಾತಕ್ಕೆ ಒಳಪಡಿಸಿ ಚಿತ್ರೀಕರಿಸಿದ್ದಾನೆ. ಈತನ ವಿರುದ್ಧ ಈಗ ಕೇಸು ದಾಖಲಾಗಿದ್ದು, 20 ವರ್ಷ ಜೈಲು ಶಿಕ್ಷೆಗೆ ಒಳಗಾಗುವ ಸಾಧ್ಯತೆ ಇದೆ.

ಟ್ರೆವರ್‌ ಜಾಕೋಬ್‌ ಎಂಬಾತನೇ ಈ ದುಸ್ಸಾಹಸ ಮಾಡಿದಾತ. ವಿಮಾನ ಹಾರಿಸುತ್ತಿದ್ದ ಈತ ಆಗಸದ ಮಧ್ಯದಲ್ಲಿ ಎಂಜಿನ್‌ ಹಾಳಾಗಿದೆ ಎಂದು ಅದನ್ನು ಇಳಿಸುವ ಬದಲು ಅಲ್ಲೇ ಬಿಟ್ಟು ಪ್ಯಾರಶೂಟ್‌ನಿಂದ ಚಿಗಿದಿದ್ದಾನೆ. ಬಳಿಕ ವಿಮಾನ ಪತನವಾಗಿದೆ. ಈ ಘಟನೆಯನ್ನು ಆತ ಚಿತ್ರೀಕರಿಸಿಕೊಂಡಿದ್ದು, ವಿಡಿಯೋವನ್ನು ಯೂಟ್ಯೂಬ್‌ಗೆ ಹಾಕಿ ಹೆಚ್ಚು ಹಿಟ್ಸ್‌ ಬರಲು ಹೀಗೆ ಮಾಡಿದ್ದಾನೆ.