ನವದೆಹಲಿ: ಅಫ್ಘಾನಿಸ್ಥಾನದ‌ಲ್ಲಿನ ಬೆಳವಣಿಗೆಗಳು ಭಾರತಕ್ಕೂ ಹೊಸ ಭದ್ರತಾ ಸವಾಲುಗಳನ್ನು ಒಡ್ಡುತ್ತಿವೆ. ಆದರೆ ಭಾರತ ಇವೆಲ್ಲವನ್ನೂ ಸಮರ್ಥವಾಗಿ ಎದುರಿಸುತ್ತದೆ ಎಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ತಿಳಿಸಿದ್ದಾರೆ.
ರಾಷ್ಟ್ರೀಯ ಭದ್ರತಾ ವಿಚಾರಕ್ಕೆ ಸಂಬಂಧಿಸಿದಂತೆ ಪಂಜಾಬ್ ವಿವಿ ಆಯೋಜಿಸಿದ್ದ ಕಾರ್ಯಕ್ರಮ‌ದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ತಾಲೀಬಾನ್ ಉಗ್ರರಿಂದ ಅಫ್ಘಾನಿಸ್ಥಾನದ‌ಲ್ಲಿ ಉಂಟಾಗಿರುವ ಬಿಕ್ಕಟ್ಟು ಭಾರತದ ಭದ್ರತಾ ವಲಯದ ಮೇಲೂ ಆತಂಕ ಉಂಟುಮಾಡುವಂತಿದೆ. ಈ ಸಂಬಂಧ ಕೇಂದ್ರ ಸರ್ಕಾರ‌ವು ಸದಾ ಎಚ್ಚರಿಕೆ‌ಯಿಂದ ಇರಲಿದೆ. ಯಾವುದೇ ರೀತಿಯ ಸವಾಲುಗಳಿಗೂ ಸಮರ್ಥವಾಗಿ ಉತ್ತರಿಸುವ ಸಾಮರ್ಥ್ಯ ಭಾರತಕ್ಕೆ ಇದೆ ಎಂದು ಅವರು ತಿಳಿಸಿದ್ದಾರೆ.
ಹಾಗೆಯೇ ಗಡಿಯಾಚೆಗಿನ ಭಯೋತ್ಪಾದನೆ‌ಗೆ ಬೆಂಬಲ ನೀಡಲು ಯಾವುದೇ ದೇಶವಿರೋಧಿ ಶಕ್ತಿಗಳಿಗೆ ಅವಕಾಶ ನೀಡಬಾರದು ಎಂದು ಅವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಕೇಂದ್ರ ಸರ್ಕಾರ ಅಫ್ಘನಿಸ್ಥಾನದ ಎಲ್ಲಾ ಬೆಳವಣಿಗೆಗಳ ಮೇಲೆ ನಿಗಾ ವಹಿಸಿದೆ. ಭಯೋತ್ಪಾದನೆ ಅಭಿವೃದ್ಧಿ‌ಯನ್ನು ಪ್ರೋತ್ಸಾಹ ಮಾಡುವ ಯಾವುದೇ ದೇಶವಿರೋಧಿ‌ಗಳನ್ನು ಭಾರತ ಸಹಿಸದು. ಕೇಂದ್ರ‌ದ ಮೋದಿ ನೇತೃತ್ವದ ಸರ್ಕಾರ ಎಂತಹ ಸಮಸ್ಯೆ ಬಂದರೂ ಅದನ್ನು ಸಮರ್ಥವಾಗಿ ನಿಭಾಯಿಸಲು ಶಕ್ತವಾಗಿದೆ ಎಂದು ಹೇಳಿದ್ದಾರೆ