ಎಂ.ಜಿ.ರಸ್ತೆಯಲ್ಲಿ ಹೆಲ್ಮೆಟ್‌ ಹಾಕದೆ ಚೀತಾ ವಾಹನದಲ್ಲಿ ಪಿಎಸ್‌ಐ ಲಕ್ಷ್ಮಿ ಕುಳಿತಿರುವ ಫೋಟೋವನ್ನು ಕ್ಲಿಕ್ಕಿಸಿ ಸಂಚಾರ ಪೊಲೀಸರಿಗೆ ನಾಗರಿಕ ಮಂಜೇಗೌಡ ಟ್ವೀಟ್‌ ಮಾಡಿದ್ದರು. ಮೇ 16ರ ಸಂಜೆ 4 ಗಂಟೆಯ ವೇಳೆ ಪೋಟೋ ಟ್ವೀಟ್‌ ಮಾಡಿದ್ದ ಆತ, ಸ್ವಿಗ್ಗಿ, ಝೋಮ್ಯಾಟೊ ಹಾಗೂ ಕೊರಿಯರ್‌ ಹುಡುಗರನ್ನು ಅಡ್ಡಗಟ್ಟುವ ನಗರ ಸಂಚಾರ ಪೊಲೀಸರಿಗೆ ಇವರೇಕೆ ಕಾಣುತ್ತಿಲ್ಲ ಎಂದು ಪ್ರಶ್ನಿಸಿದ್ದರು. ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ ಸಂಚಾರ ಪೊಲೀಸರು, ನೋಂದಣಿ ಸಂಖ್ಯೆ ಆಧರಿಸಿ ವಾಹನವನ್ನು ಪತ್ತೆ ಹಚ್ಚಿ 500 ರು ದಂಡ ಹಾಕಿದ್ದಾರೆ. ಇದೇ ದ್ವಿಚಕ್ರ ವಾಹನವು 1,700 ರು ಹಳೆ ಸಂಚಾರ ದಂಡ ಬಾಕಿ ಉಳಿಸಿಕೊಂಡಿರುವ ಸಂಗತಿ ಪತ್ತೆಯಾಗಿದೆ.