ಬೆಂಗಳೂರು: ಬಿಜೆಪಿ ಅಧಿಕಾರಕ್ಕೆ ಬಂದು ಜನಸಾಮಾನ್ಯರು ಎಲ್ಲದಕ್ಕೂ ಸರತಿಸಾಲಿನಲ್ಲಿ ನಿಲ್ಲುವಂತಾಗಿದೆ. ಇದು ಬಿಜೆಪಿ ಸರಕಾರದ ಸಾಧನೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಬಿಜೆಪಿ ಮೇಲೆ ವಾಗ್ದಾಳಿ ನಡೆಸಿದ್ದಾರೆ.

ನೋಟ್ ಬ್ಯಾನ್ ನಿಂದ ಹಿಡಿದು ಎಲ್ಲದಕ್ಕೂ ಬಿಜೆಪಿ ಜನಸಾಮಾನ್ಯರನ್ನು ಸರತಿಸಾಲಿನಲ್ಲಿ ನಿಲ್ಲಿಸಿದೆ. ಈಗ ಬೆಡ್, ಆಕ್ಸಿಜನ್, ಲಸಿಕೆ ಎಲ್ಲದಕ್ಕೂ ಜನರು ಸರತಿ ಸಾಲಿನಲ್ಲಿ ನಿಲ್ಲುವ ಪರಿಸ್ಥಿತಿ ಬಂದಿದೆ ಎಂದು ಡಿಕೆ ಶಿವಕುಮಾರ್ ಹೇಳಿದ್ದಾರೆ.

ಸರತಿ ಸಾಲಿನಲ್ಲಿ ನಿಲ್ಲುವುದು ಬಿಜೆಪಿಯ ಒಂದು ಗುಣ. ಆ ಮೂಲಕ ಜನರನ್ನು ಕೆಳಮಟ್ಟದಲ್ಲಿ ಬಿಜೆಪಿ ಕಾಣುತ್ತಿದೆ ಎಂದು ಡಿಕೆ ಶಿವಕುಮಾರ್ ಬಿಜೆಪಿ ಮೇಲೆ ಗಂಭೀರ ಆರೋಪ ಮಾಡಿದ್ದಾರೆ.
ಜನರಿಗೆ ಸರಕಾರದ ಮೇಲೆ ಯಾವ ನಂಬಿಕೆ ಇಲ್ಲ. ನಂಬಿಕೆ ಬೇಕಾದರೆ ಏನಾದರೂ ಮಾಡಿ ತೋರಿಸಬೇಕು ಅದರ ಬಿಜೆಪಿ ಏನು ಮಾಡಿಲ್ಲ ಎಂದು ಡಿಕೆ ಶಿವಕುಮಾರ್ ಅವರು ಹೇಳಿದ್ದಾರೆ.