ಕೋಲ್ಕತಾ: ಬಂಗಾಳದ ಮಮತಾ ಬ್ಯಾನರ್ಜಿಯ ತೃಣಮೂಲ ಕಾಂಗ್ರೆಸ್ಗೆ  ಬಿಜೆಪಿಗರ ಹಿಮ್ಮುಖ ವಲಸೆ ವರದಿಯಾಗುತ್ತಿರುವ ಬೆನ್ನಲ್ಲೇ ಮತ್ತಷ್ಟು ಮಂದಿ ಶಾಸಕರು ದೀದಿ ಕಡೆ ವಾಪಾಸ್ಸಾಗುವ ಎಲ್ಲಾ ಸಾಧ್ಯತೆಗಳು ಕಂಡು ಬಂದಿದೆ.
ರಾಜ್ಯಪಾಲರೊಂದಿಗಿನ ಸುವೆಂದು ಅಧಿಕಾರಿಯ ಸಭೆಯಿಂದ  ಶಾಸಕರು ದೂರ ಉಳಿದಿದ್ದಾರೆ. ಬಂಗಾಳ ವಿಧಾನಸಭೆಯಲ್ಲಿ ಪ್ರತಿಪಕ್ಷದ ನಾಯಕರಾಗಿರುವ ಸುವೇಂದು ಅಧಿಕಾರಿ ಅವರು ಸೋಮವಾರ ಸಂಜೆ ಪಕ್ಷದ ಶಾಸಕರ ನಿಯೋಗದೊಂದಿಗೆ ರಾಜ್ಯಪಾಲ ಜಗದೀಪ್ ಧಂಕರ್ ಅವರನ್ನು ಭೇಟಿಯಾದರು. ಈ ಸಭೆಯು ರಾಜ್ಯಪಾಲರಿಗೆ ಬಂಗಾಳದಲ್ಲಿ ನಡೆಯುತ್ತಿರುವ ಹಲವಾರು ಘಟನೆಗಳ ಬಗ್ಗೆ ತಿಳಿಸಲು ಮತ್ತು ಇತರ ಪ್ರಮುಖ ವಿಷಯಗಳ ಬಗ್ಗೆ ಚರ್ಚಿಸಲು ಉದ್ದೇಶಿಸಲಾಗಿತ್ತು. ಆದರೆ ಬಿಜೆಪಿಯ 74 ಶಾಸಕರಲ್ಲಿ 24 ಮಂದಿ ಅವರೊಂದಿಗೆ ಹೋಗಲು ವಿಫಲರಾಗಿದ್ದರಿಂದ, ಬಿಜೆಪಿಯಿಂದ ಮತ್ತಷ್ಟು ಮಂದಿ ತಮ್ಮ ತವರು ಪಕ್ಷ ಟಿಎಂಸಿಗೆ ಮರಳಲಿದ್ದಾರೆ ಎಂದು ಹೇಳಲಾಗಿದೆ.

ಸುವೇಂಧು ಅಧಿಕಾರಿಯ ನಾಯಕತ್ವವನ್ನು ಸ್ವೀಕರಿಸಲು ಎಲ್ಲ ಶಾಸಕರು ಸಿದ್ಧರಿಲ್ಲ ಎನ್ನುವ ಮಾತುಗಳು ಕೂಡ ಕೇಳಿಸಿದೆ. ಕಳೆದ ಡಿಸೆಂಬರ್‌ನಲ್ಲಿ ಬಿಜೆಪಿಗೆ ಸೇರ್ಪಡೆಯಾದ ಸುವೇಂದು ಅಧಿಕಾರಿ – ಆರಂಭದಲ್ಲಿ ಅವರು ಬಿಜೆಪಿಗೆ ಹೆಚ್ಚಿನ ಶಾಸಕರನ್ನು ಕರೆದು ತಂದಿದ್ದರು.

ಒಟ್ಟಿನಲ್ಲಿ ಪಶ್ಚಿಮ ಬಂಗಾಳದ ಬಿಜೆಪಿಯಲ್ಲಿ ಬಿರುಕು ಕಾಣುತ್ತಿದೆ ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಮುಂದೆ ಏನಾಗುತ್ತದೆ ಎಂಬುದನ್ನು ಕಾದುನೋಡಬೇಕಾಗಿದೆ.