“ಕಿಚ್ಚ ಸುದೀಪ್ ಅವರು ನನ್ನ ಸಿನಿಮಾಗಳಿಂದ ಒಂದು ರೂಪಾಯಿನೂ ಬಿಟ್ಟಿಲ್ಲ. ಸುದೀಪ್ ಅವರನ್ನು ರಂಗ ಎಸ್‌ಎಸ್‌ಎಲ್‌ಸಿ ಸಿನಿಮಾ ಮೂಲಕ ವಿದೇಶಕ್ಕೆ ಕರೆದುಕೊಂಡು ಹೋಗಿ ಶೂಟಿಂಗ್ ಮಾಡಿದ್ದು ನಾವು. ನನ್ನಂತೆ ಬಹಳ ಜನರಿಗೆ ಈ ರೀತಿ ಆಗ್ತಿದೆ, ಆದರೆ ಯಾರೂ ಮುಂದೆ ಬಂದು ಮಾತನಾಡೋಕೆ ರೆಡಿ ಆಗಿಲ್ಲ” ಎಂದು ಕುಮಾರ್ ಹೇಳಿದ್ದಾರೆ.

“ಸುದೀಪ್ ಅವರ ಅಡುಗೆ ಮನೆ ರಿಪೇರಿಗೆ ನಾನು 10 ಲಕ್ಷ ರೂಪಾಯಿ ಕೊಟ್ಟಿದ್ದೇನೆ. ಅವರ ಮನೆಯಲ್ಲಿ ಸತ್ಯನಾರಾಯಣ ಸ್ವಾಮಿ ಫೋಟೋ ಇದೆ, ಅದರ ಮೇಲೆ ಆಣೆ ಮಾಡಿ ದುಡ್ಡು ಯಾರತ್ರ ತಗೊಂಡ್ರು ಅಂತ ಹೇಳಲಿ” ಎಂದು ಕುಮಾರ್ ಹೇಳಿದ್ದಾರೆ.

“ನಮ್ಮ ಸಿನಿಮಾಗೆ ಸುದೀಪ್ ಅವರೇ ಮುತ್ತತ್ತಿ ಸತ್ಯರಾಜ್ ಅಂತ ಟೈಟಲ್ ಇಡಿಸಿದ್ದಾರೆ. ನಿಜಕ್ಕೂ ಆ ಟೈಟಲ್ ಬೇರೆಯವರ ಬಳಿ ಇತ್ತು, ಅದನ್ನು ನಾನೇ ಫೈಟ್ ಮಾಡಿ ತಗೊಂಡೆ. ಸುದೀಪ್ ಅವರು ಹೈದರಾಬಾದ್‌ನಿಂದ ರೈಟರ್ ಕರೆಸಿ ಅಂತ ಹೇಳುತ್ತಾರೆ, ನಾವು ಕರೆಸಿದ್ರೆ 1 ವಾರ ಆದರೂ ಅವರನ್ನು ಭೇಟಿ ಮಾಡೋದಿಲ್ಲ” ಎಂದು ಕುಮಾರ್ ಅವರು ಆರೋಪ ಮಾಡಿದ್ದಾರೆ.

“ನಾವು ಎಷ್ಟೇ ಬಾರಿ ಕಿಚ್ಚ ಸುದೀಪ್ ಅವರನ್ನು ಕಾಂಟ್ಯಾಕ್ಟ್ ಮಾಡಲು ಪ್ರಯತ್ನಪಟ್ಟರೂ ಕೈಗೆ ಸಿಗೋದಿಲ್ಲ. ನಿರ್ಮಾಪಕರು ನಾವು ಎಲ್ಲಿಂದ ದುಡ್ಡು ತಂದಿರುತ್ತೇವೆ ಅಂತ ನಿಮಗೆಲ್ಲ ಗೊತ್ತಿರುತ್ತದೆ, ನಾವೇ ದುಡ್ಡು ಕೊಟ್ಟು ಬೇಡುವ ಸಮಯ ಬಂದಿದೆ” ಎಂದು ಕುಮಾರ್ ಹೇಳಿದ್ದಾರೆ.

“ಕೊರೊನಾ ಸಮಯದಲ್ಲಿ 3 ವರ್ಷ ಸಿನಿಮಾ ಮಾಡೋಕೆ ಆಗಲಿಲ್ಲ. ಆದರೆ ಕೋಟಿಗೊಬ್ಬ, ಪೈಲ್ವಾನ್‌ ಸಿನಿಮಾ ನಂತರ ನಮ್ಮ ಜೊತೆ ಸುದೀಪ್ ಸಿನಿಮಾ ಮಾಡಬೇಕಿತ್ತು. ಈಗ ಸುದೀಪ್ ಅವರು ಮದ್ರಾಸ್‌ನಲ್ಲಿ ಸಿನಿಮಾ ಮಾಡೋಕೆ ಹೊರಟಿದ್ದಾರೆ, ನಾವು ಈಗ ಏನು ಮಾಡಬೇಕು. ರಂಗ ಎಸ್‌ಎಸ್‌ಎಲ್‌ಸಿ ಸಮಯದಲ್ಲಿ ನಾನು ಸುದೀಪ್ ಅವರಿಗೆ ಹಣ ಕೊಡಬೇಕು ಅಂತ ಇರಲಿಲ್ಲ. ಸುದೀಪ್ ಅವರ ಮನೆ ಮುಂದೆ ನಿರ್ಮಾಪಕರೊಬ್ಬರು ಬಂದು ನಿಂತಿದ್ದರು. ಅವರಿಗೆ ಸುದೀಪ್ ಹಣ ಕೊಡಬೇಕಿತ್ತು. ಆಗ ನಾನು ಹಣ ಕೊಟ್ಟಿದ್ದೆ. ಇದು ಜಾಕ್ ಮಂಜು ಅವರಿಗೆ ಗೊತ್ತು. ಜಾಕ್ ಮಂಜು ಅವರನ್ನು ಕೇಳಿದ್ರೆ ನಿರ್ಮಾಪಕರು ಯಾರು ಅಂತ ಹೇಳುತ್ತಾರೆ. ಚಲನಚಿತ್ರಮಂಡಳಿ ಅವರು ಈ ಸಮಸ್ಯೆಯನ್ನು ಬಗೆಹರಿಸಬೇಕು, ಇದು ಬಗೆಹರಿದಿಲ್ಲ ಅಂದರೆ ಎಲ್ಲಿ ಧರಣಿ ಮಾಡಬೇಕು ಅಂತ ಗೊತ್ತಿಲ್ಲ, ನಾನು ಚಲನಚಿತ್ರಮಂಡಳಿಯ ನಿರ್ಧಾರಕ್ಕೆ ಬದ್ಧನಾಗಿದ್ದೇನೆ. ನನ್ನ ಜೊತೆ ಸುದೀಪ್ ಅವರು ಸಿನಿಮಾ ಮಾಡಿದರೂ ಪರವಾಗಿಲ್ಲ, ಮಾಡದಿದ್ದರೂ ಪರವಾಗಿಲ್ಲ, ಇದು ಬಗೆಹರಿಯಬೇಕು” ಎಂದು ಕುಮಾರ್ ಹೇಳಿದ್ದಾರೆ.