ಸಿಯೋಲ್: ದಕ್ಷಿಣ ಕೋರಿಯಾದ ವೈದ್ಯಕೀಯ ತಂಡ ತನ್ನ ಸರಕುಗಳೂ೦ದಿಗೆ ಭಾರತಕ್ಕೆ ಬಂದಿಳಿದಿದೆ. ಆಕ್ಸಿಜನ್ ಕನ್ಸೆಂತ್ರೇಟರ್, ಡಯಾಗ್ನಸ್ಟಿಕ್ ಕಿಟ್ ಹಾಗೂ ಇತರ ವೈದಿಕೀಯ ಪರಿಕರಗಳೊಂದಿಗೆ ಭಾರತಕ್ಕೆ ಬಂದಿದೆ. ದಕ್ಷಿಣ ಕೊರಿಯಾ ಭಾರತದ ಕೋರೋಣ ನಿಯಂತ್ರಣಕ್ಕೆ ವಿಶೇಷ ವೈದ್ಯಕೀಯ ಸಹಾಯವನ್ನು ಆರಂಭದಲ್ಲಿಯೇ ಘೋಷಿಸಿತ್ತು.

ಕೇಂದ್ರ ವಿದೇಶಾಂಗ ಕಾರ್ಯದರ್ಶಿ ಪ್ರಕಾರ 60 ಕ್ಕಿಂತ ಅಧಿಕ ದೇಶಗಳು ಭಾರತಕ್ಕೆ ವೈದ್ಯಕೀಯ ಸಹಾಯವನ್ನು ಘೋಷಿಸಿವೆ. ರಶ್ಯಾ ದೇಶವು ತನ್ನ ವಿಶೇಷ ವೈದ್ಯಕೀಯ ಸಲಕರಣೆಗಳೊಂದಿಗೆ ಈ ವಾರವೇ ಭಾರತಕ್ಕೆ ಆಗಮಿಸಲಿದೆ ಎಂದು ವಿದೇಶಾಂಗ ಕಾರ್ಯದರ್ಶಿ ತಿಳಿಸಿದ್ದಾರೆ. ಭಾರತದಲ್ಲಿ ಕೊರೋನಾ ಪ್ರಕರಣಗಳು ಅಪಾಯದ ಮಟ್ಟವನ್ನು ಮೀರಿ ಹೆಚ್ಚುತ್ತಿದ್ದು ಇದು ಸರಕಾರ ಹಾಗೂ ಜನರಲ್ಲಿ ಆತಂಕವನ್ನು ಮೂಡಿಸಿದೆ. ವಿಶ್ವದ ಬಹುತೇಕ ರಾಷ್ಟ್ರಗಳು ಈ ಬಗ್ಗೆ ಆತಂಕವನ್ನು ವ್ಯಕ್ತಪಡಿಸಿದ್ದು 60ಕ್ಕಿಂತ ಹೆಚ್ಚು ರಾಷ್ಟ್ರಗಳು ಸಹಾಯಹಸ್ತ ಚಾಚಿವೆ.