ರಾಜಾಜಿನಗರದಲ್ಲಿರುವ ನಟಿ ಹಾಗೂ ಕಾಸ್ಮೆಟಿಕ್‌ ವ್ಯವಹಾರವನ್ನು ನಡೆಸುತ್ತಿದ್ದ ಸೋನಿಯಾ ಅಗರ್‌ವಾಲ್‌ ಮನೆಯ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ. ದಾಳಿಯ ವೇಳೆಯಲ್ಲಿ ಸೋನಿಯಾ ಮನೆಯಲ್ಲಿ ಇರಲಿಲ್ಲ. ನಿನ್ನೆಯೇ ಮನೆಯಿಂದ ಹೊರ ತೆರಳಿರುವ ಇಂದು ತಂದೆಯ ಬಳಿಯಲ್ಲಿ ಮಧ್ಯಾಹ್ನ ಬರುವುದಾಗಿ ಹೇಳಿ ತೆರಳಿದ್ದರು. ಆದರೆ ಪೊಲೀಸರು ದಾಳಿ ನಡೆಸಿದ ಸಂದರ್ಭದಲ್ಲಿ ಪೋನ್‌ ಮಾಡಿದ್ದರೂ ಕರೆ ಸ್ವೀಕಾರ ಮಾಡಿರಲಿಲ್ಲ. ತಂದೆಯಿಂದ ಮನೆಯ ಬಾಗಿಲು ತೆಗೆಸಿ ಪರಿಶೀಲನೆಯನ್ನು ನಡೆಸಿದಾಗ ಸೋನಿಯಾ ಅಗರ್‌ವಾಲ್‌ ಮನೆಯಲ್ಲಿ ೪೦ ಗ್ರಾಮ ತೂಕದ ಗಾಂಜಾ ಪತ್ತೆಯಾಗಿದೆ. ಅಲ್ಲದೇ ಮಹತ್ವದ ದಾಖಲೆಗಳನ್ನು ವಶಕ್ಕೆ ಪಡೆದಿರುವ ಪೊಲೀಸರು ಇದೀಗ ಸೋನಿಯಾ ಅಗರ್‌ವಾಲ್‌ ಅವರನ್ನು ಬಂಧಿಸಿದ್ದಾರೆ. ಪೊಲೀಸರ ದಾಳಿಯ ಮಾಹಿತಿ ಅರಿತಿದ್ದ ಸೋನಿಯಾ ಖಾಸಗಿ ಹೋಟೆಲ್‌ವೊಂದರಲ್ಲಿ ವಾಸ್ತವ್ಯ ಹೂಡಿದ್ದರು. ಅದ್ರಲ್ಲೂ ಹೋಟೆಲ್‌ ಕೊಠಡಿಯ ವಾಶ್‌ ರೂಂನಲ್ಲಿ ಅವಿತು ಕುಳಿತಿದ್ದ ಸೋನಿಯಾಳನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆಯನ್ನು ನಡೆಸುತ್ತಿದ್ದಾರೆ.