ಹೈಡ್ರೋಪೋನಿಕ್ಸ್ ಎಂಬ ಕೃಷಿ ತಂತ್ರಜ್ಞಾನ ಈಗ ವಿಶ್ವಾದ್ಯಂತ ಜನಪ್ರಿಯತೆಯನ್ನು ಗಳಿಸುತ್ತಿದೆ. ಈ ಹೊಸ ತಂತ್ರಜ್ಞಾನ ಬಹುತೇಕ ಎಲ್ಲಾ ರಾಷ್ಟ್ರಗಳಲ್ಲಿ ಗಮನವನ್ನು ಸೆಳೆಯುತ್ತಿದೆ. ಮುಖ್ಯವಾಗಿ ತರಕಾರಿಗಳನ್ನು ಬೆಳೆಯಲು ಈ ಹೊಸ ತಂತ್ರಜ್ಞಾನವನ್ನು ವ್ಯಾಪಕವಾಗಿ ಉಪಯೋಗಿಸಲಾಗುತ್ತಿದೆ.
ಈ ತಂತ್ರಜ್ಞಾನದಲ್ಲಿ ಹಲವಾರು ಉಪ ವಿಭಾಗಗಳಿವೆ. ವರ್ಟಿಕಲ್, ಏರೋಪೋನಿಕ್, ಹೋರಿಜಾಂತಲ್, ಇಂಡೋರ್ ಈ ರೀತಿಯಾಗಿ ಹಲವಾರು ಉಪ ತಂತ್ರಜ್ಞಾನಗಳು ಈ ಕ್ಷೇತ್ರದಲ್ಲಿ ಜನ ಪ್ರೀತಿಯನ್ನು ಗಳಿಸುತ್ತಿದೆ.
ಭವಿಷ್ಯದ ಕೃಷಿ ಎಂದು ಬಿಂಬಿಸಲಾಗಿರುವ ಹೈಡ್ರೋಪೋನಿಕ್ಸ್ ತಂತ್ರಜ್ಞಾನದಲ್ಲಿ ಸುಮಾರು 90 ಶೇಕಡಾ ನೀರು ಹಾಳಾಗುವುದು ತಪ್ಪುತ್ತದೆ. ಆದರೆ ಉತ್ಪಾದನೆ 10 ಪಟ್ಟು ಅಧಿಕವಾಗಿರುತ್ತದೆ.
ಕಡಿಮೆ ಪ್ರದೇಶದಲ್ಲಿ ಅತಿ ಹೆಚ್ಚು ಉತ್ಪಾದನೆಯನ್ನು ಮಾಡಬಹುದಾಗಿದೆ. ಕ್ರಿಮಿಕೀಟಗಳಿಂದ ಸಂರಕ್ಷಿಸಬಹುದಾಗಿದೆ. ಇದರಿಂದ ನಷ್ಟವಾಗುವುದು ತಪ್ಪುತ್ತದೆ. ಹಲವರು ಉದ್ಯೋಗವಕಾಶಗಳು ನೂತನ ತಂತ್ರಜ್ಞಾನ ಆಧಾರಿತ ಯುವಕರಿಗೆ ಲಭ್ಯವಾಗುವ ಸಾಧ್ಯತೆ ಇರುತ್ತದೆ. ಇಸ್ರೇಲ್ ಈ ತಂತ್ರಜ್ಞಾನದಲ್ಲಿ ಬಹಳಷ್ಟು ಸಾಧನೆಗೈದಿದೆ. ಬಹುದೊಡ್ಡ ಯಶಸ್ಸನ್ನು ಗಳಿಸಿ, ಇಡೀ ಪ್ರಪಂಚಕ್ಕೆ ಆಹಾರ ಉತ್ಪಾದನೆಗಳನ್ನು ಪೂರೈಸಿದೆ.
ಭಾರತದ ಕೆಲವು ರಾಜ್ಯಗಳಲ್ಲಿ ಈ ತಂತ್ರಜ್ಞಾನವನ್ನು ಇತ್ತೀಚಿಗೆ ಅಳವಡಿಸಲಾಗಿದೆ. ಆದರೆ ವ್ಯಾಪಕವಾಗಿ ಅಳವಡಿಸಿದಾಗ ಮಾತ್ರ ಉತ್ತಮ ಫಲಿತಾಂಶ ಬರಲು ಸಾಧ್ಯ.