ಇಂದು ರಾಜ್ಯ ಕ್ಯಾಬಿನೆಟ್ ಬೆಳ್ತಂಗಡಿ ತಾಲೂಕಿಗೆ ಸುಮಾರು 240 ಕೋಟಿ ರೂಪಾಯಿಗಳ ನೀರಾವರಿ ಯೋಜನೆಯನ್ನು ಘೋಷಿಸಿದೆ.
ಈ ಮೊದಲು ಹಲವಾರು ಯೋಜನೆಗಳನ್ನು ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜಾ ತನ್ನ ಪ್ರಭಾವ ಬಳಸಿ ಬೆಳ್ತಂಗಡಿಗೆ ತಂದಿದ್ದಾರೆ.

ಈ ಮೊದಲು ಸಿದ್ದರಾಮಯ್ಯ ಸರಕಾರದಲ್ಲಿ ಬಂಟ್ವಾಳದ ಅಂದಿನ ಶಾಸಕರಾದ ರಮಾನಾಥ ರೈ 1000 ಕೋಟಿಗಿಂತಲೂ ಅಧಿಕ ಯೋಜನೆಗಳನ್ನು ಬಂಟ್ವಾಳಕ್ಕೆ ತಂದು ರಾಜ್ಯದಲ್ಲಿ ದಾಖಲೆ ನಿರ್ಮಿಸಿದ್ದರು. ಸರ್ಕಾರದ ಮಟ್ಟದಲ್ಲಿ ಬೆನ್ನು ಹಿಡಿದು ಯೋಜನೆಗಳನ್ನು ತರುವಲ್ಲಿ ರಮಾನಾಥ ರೈ ನಿಪುಣರು ಎಂಬುದರಲ್ಲಿ ಎರಡು ಮಾತಿಲ್ಲ. ಈಗ ಇದೆ ಮಾದರಿಯನ್ನು ಹರೀಶ್ ಪೂಂಜಾ ರವರು ಅನುಸರಿಸುತ್ತಿದ್ದಾರೆ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು.

ಮಾಜಿ ಶಾಸಕ ರಾಮನಾಥ ರೈ ಅವರಂತೆ ಬೆಂಗಳೂರಿನ ಮಟ್ಟದಲ್ಲಿ ಪ್ರಭಾವ ಬಳಸಿ ತನ್ನ ಕ್ಷೇತ್ರಕ್ಕೆ ಯೋಜನೆಗಳನ್ನು ತರುವಲ್ಲಿ ಹರೀಶ್ ಪೂಂಜಾ ಯಶಸ್ವಿಯಾಗಿದ್ದಾರೆ ಎನ್ನುತ್ತಾರೆ ನಾಗರಿಕರು.

ವಿವಿಧ ಇಲಾಖೆಗಳಲ್ಲಿರುವ ಯೋಜನೆಗಳನ್ನು ಬೆಳ್ತಂಗಡಿಗೆ ತರುವಲ್ಲಿ ರಮಾನಾಥ ರೈ ಅನುಸರಿಸುತ್ತಿರುವ ಮಾನದಂಡಗಳನ್ನು ಹರೀಶ್ ಪೂಂಜಾ ಅನುಸರಿಸುತ್ತಿದ್ದಾರೆ ಎಂಬುದು ಅವರ ಕಾರ್ಯಚಟುವಟಿಕೆಗಳಲ್ಲಿ ಗೊತ್ತಾಗುತ್ತದೆ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು.