ಕೊಡಗಿನ ಕಾಫಿ ,ಏಲಕ್ಕಿ, ಕಾಳು ಮೆಣಸುಗಳಿಗೆ ಅಂತರಾಷ್ಟ್ರೀಯ ಮಾರುಕಟ್ಟೆ ಲಭ್ಯವಾಗಬೇಕು ಎಂದು ದೃಢವಾಗಿ ವಾದಿಸಿಕೊಂಡು ಬರುತ್ತಿರುವ ಮಂತರ್ ಗೌಡ, ಕೊಡಗಿನ ಪುಷ್ಪೋದ್ಯಮವನ್ನು ಬೆಳವಣಿಗೆ ಮಾಡುವ ಕನಸುಗಳನ್ನು ಜನರೊಂದಿಗೆ ಹಂಚಿಕೊಂಡಿದ್ದಾರೆ. ಮಂತರ್ ಗೌಡ ರವರ ಯೋಚನೆ ಯೋಜನೆಗಳನ್ನು ಬಹುವಾಗಿ ಮೆಚ್ಚಿಕೊಂಡಿರುವ ಕೊಡಗಿನ ನಾಗರಿಕರು ಅವರ ಬಗ್ಗೆ ಒಲವನ್ನು ವ್ಯಕ್ತಪಡಿಸುತ್ತಿರುವುದು ಈ ಬಾರಿ ಚುನಾವಣೆಯ ವಿಶೇಷ ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯ ಪಡುತ್ತಾರೆ.

ಕೊಡಗಿನಲ್ಲಿ ಸಂಚಲನ ಸೃಷ್ಟಿ ಮಾಡಿರುವ ಮಂಥರ್ ಗೌಡ ರಾಜ್ಯದ ಇತರ ಜಿಲ್ಲೆಗಳ ಪಕ್ಷದ ನಾಯಕರುಗಳ ಆಶ್ಚರ್ಯಕ್ಕೆ ಕಾರಣವಾಗಿದ್ದಾರೆ. ಕೆಲವೇ ತಿಂಗಳುಗಳಲ್ಲಿ ಕೊಡಗಿನ ನಾಗರಿಕರ ಗಮನಸೆಳೆದಿರುವ ಮಂತರ್ ಗೌಡ ಮುಂದಿನ ಚುನಾವಣೆಯಲ್ಲಿ ಪ್ರಬಲ ಅಭ್ಯರ್ಥಿಯಾಗಿರುವ ಎಲ್ಲಾ ಲಕ್ಷಣಗಳನ್ನು ತೋರ್ಪಡಿಸಿದ್ದಾರೆ. ಮುಂದೇನಾಗುತ್ತದೆ ಎಂಬುದನ್ನು ಕಾದು ನೋಡಬೇಕಾಗಿದೆ.