ಇದೀಗ ಕಾಫಿನಾಡು ಚಂದು ಅವರ ವಿಡಿಯೋ ಒಂದು ವೈರಲ್ ಆಗಿದ್ದು, ವಿಡಿಯೋದಲ್ಲಿ ಕೆಲವರು ಕಾಫಿನಾಡು ಚಂದುಗೆ ಕಿರಿಕಿರಿ ಉಂಟುಮಾಡುತ್ತಿರುವ ದೃಶ್ಯವಿದೆ. ಜೀವನ ನಿರ್ವಹಣೆಗೆ ಆಟೋ ಓಡಿಸುತ್ತಿರುವ ಕಾಫಿನಾಡು ಚಂದುವನ್ನು ಅಡ್ಡಗಟ್ಟಿದ ಕೆಲವರು ಲೈವ್ ಹೋಗುವಂತೆ ಬಲವಂತ ಮಾಡಿದ್ದಾರೆ. ಆದರೆ ತಾನು ಈಗ ಕೆಲಸದಲ್ಲಿದ್ದು, ಸಂಜೆ ನಾಲ್ಕು ಗಂಟೆ ಮೇಲಷ್ಟೆ ಅದನ್ನೆಲ್ಲ ಮಾಡುವುದಾಗಿ ಹೇಳಿದ್ದಾರೆ.

ಕಾಫಿನಾಡು ಚಂದುವಿನ ಈ ಉತ್ತರದಿಂದ ಸಮಾಧಾನಗೊಳ್ಳದ ಅವರು ”ಏನೋ ನಿನಗೆ ಚಿಕ್ಕಮಗಳೂರಿನವರ್ಯಾರು ಬೇಡವೇನೊ?” ಎಂದಿದ್ದಾರೆ. ಅದಕ್ಕೆ ಕಾಫಿನಾಡು ಚಂದು, ”ನಾನೀಗ ಬಾಡಿಗೆ ಹೊಡೆಯಲು ಬಂದಿರೋದು. ನೀವ್ಯಾಕೆ ಹಾಡು ಮಾಡಿಕೊಡು ಎಂದು ಕೇಳಿದ್ದು? ಅದೆಲ್ಲ ಈಗ ಆಗಲ್ಲ ನಾಲ್ಕು ಗಂಟೆಗೆ ಎಂದು ಹೇಳಿರುವುದು” ಎಂದಿದ್ದಾರೆ. ಅದಕ್ಕೆ ಆ ಅಗಂತುಕ ಚಂದುವನ್ನು ಕೆಟ್ಟದಾಗಿ ನಿಂದಿಸಿ, ”ಅಪಾಯ್ಮೆಂಟ್ ತೆಗೆದುಕೊಂಡು ಬರಬೇಕೇನೋ ನಿನ್ನ ಹತ್ರ” ವಿಡಿಯೋದಲ್ಲಿ ಸೆರೆಯಾಗಿದೆ.