ಲೈಫ್ ಇನ್ಷೂರೆನ್ಸ್ ಕಾರ್ಪೊರೇಷನ್ (LIC) ಐಪಿಒಗೆ ಉದ್ಯೋಗಿಗಳು, ಪಾಲಿಸಿದಾರರು ಮತ್ತು ಚಿಲ್ಲರೆ ಹೂಡಿಕೆದಾರರಿಂದ ಭಾರೀ ಬೇಡಿಕೆ ಬರುತ್ತಿದೆ. ಈ ಐಪಿಒಗೆ ಮೇ 8ನೇ ತಾರೀಕಿನ ತನಕದ ಬಿಡ್ಡಿಂಗ್‌, ಅಂದರೆ ಐದನೇ ದಿನದವರೆಗೆ 1.78 ಪಟ್ಟು ಹೆಚ್ಚು ಸಬ್​ಸ್ಕ್ರೈಬ್ ಆಗಿದ್ದಾರೆ. ದೇಶದ ಅತಿದೊಡ್ಡ ಐಪಿಒದ 16.02 ಕೋಟಿ ಷೇರುಗಳ ಆಫರ್​ಗೆ 29.07 ಕೋಟಿ ಬಿಡ್‌ಗಳನ್ನು ಸ್ವೀಕರಿಸಲಾಗಿದೆ. ರೀಟೇಲ್ ಹೂಡಿಕೆದಾರರಿಗೆ ಕಾಯ್ದಿರಿಸಿದ ಭಾಗವು ಮೂರನೇ ದಿನದಲ್ಲಿ ಸಂಪೂರ್ಣವಾಗಿ ಸಬ್​ಸ್ಕ್ರೈಬ್ ಆಗಿದೆ ಮತ್ತು ಐದನೇ ದಿನದ ಅಂತ್ಯದ ವೇಳೆಗೆ 1.59 ಪಟ್ಟು ಬೇಡಿಕೆ ಬಂದಿದೆ. ಈ ಇಶ್ಯೂಗಾಗಿ ರೀಟೇಲ್ ವೈಯಕ್ತಿಕ ಹೂಡಿಕೆದಾರರಿಂದ 10.9 ಕೋಟಿ ಬಿಡ್‌ಗಳನ್ನು ಸ್ವೀಕರಿಸಿದ್ದು, ಈ ವರ್ಗಕ್ಕೆ 6.9 ಕೋಟಿ ಷೇರುಗಳ ಮಾತ್ರ ಮೀಸಲಿಡಲಾಗಿದೆ. 2008ರಲ್ಲಿ ರಿಲಯನ್ಸ್ ಪವರ್‌ನ ಆರಂಭಿಕ ಷೇರು ಮಾರಾಟವು 4.8 ಮಿಲಿಯನ್ ಅರ್ಜಿಗಳನ್ನು ಸ್ವೀಕರಿಸಿತ್ತು ಎಂಬುದನ್ನು ಈ ಸನ್ನಿವೇಶದಲ್ಲಿ ಸ್ಮರಿಸಬಹುದು. ಹದಿನಾಲ್ಕು ವರ್ಷಗಳ ನಂತರ, ರೀಟೇಲ್ ಈಕ್ವಿಟಿ ಹೂಡಿಕೆದಾರರಿಂದ ಸುಮಾರು 6 ಮಿಲಿಯನ್ ಅರ್ಜಿಗಳನ್ನು ಸ್ವೀಕರಿಸಿದ ಎಲ್​ಐಸಿಯು ಈ ದಾಖಲೆ