ಬೆಂಗಳೂರು, ಜ.15: ಅನುಭವಿ ರಾಜಕಾರಣಿಯಾಗಿರುವ ಮಾಜಿ ಸಚಿವ ಸಿ.ಪಿ.ಯೋಗೇಶ್ವರ್ ಕೇಂದ್ರ ಗೃಹ ಸಚಿವ ಅಮಿತ್ ಶಾ ರೌಡಿಸಂ ಮುಖಗಳನ್ನು ಜನರ ಮುಂದೆ ಇಡಬೇಕೆಂದು ಕೇಳಿಕೊಳ್ಳುವೆ ಎಂದು ಕಾಂಗ್ರೆಸ್ ನಾಯಕ ಉಗ್ರಪ್ಪ ಹೇಳಿದ್ದಾರೆ.

ರವಿವಾರ ಮಾಧ್ಯಮಗಳೊಂದಿಗೆ ಸಿ.ಪಿ.ಯೋಗೇಶ್ವರ್ ಆಡಿಯೋ ವಿಚಾರದ ಕುರಿತು ಮಾತನಾಡಿದ ಅವರು, ಬಿಜೆಪಿಯ ಬಂಡವಾಳವನ್ನು ಯೋಗೇಶ್ವರ್ ಬಯಲಿಗೆಳೆದರೆ ಇತಿಹಾಸದ ಪುಟಗಳಲ್ಲಿ ಸೇರುತ್ತಾರೆ. ರಾಜ್ಯ ಮತ್ತು ರಾಷ್ಟ್ರ ರಾಜಕಾರಣದಲ್ಲಿ ಆತಂಕವಾದ ಬದಲಾವಣೆಯಾಗುತ್ತಿದೆ. ರಾಜಕಾರಣಿಗಳು ದೇಶದ ಜನರಿಗೆ ಆದರ್ಶವಾಗಿರಬೇಕು. ಆದರೆ ಬಿಜೆಪಿಯ ರಾಜಕಾರಣಿಗಳು ದಿನಗಳೆದಂತೆ ಜನರ ಮುಂದೆ ಬೆತ್ತಲಾಗುತ್ತಿದ್ದಾರೆ ಎಂದು ತಿಳಿಸಿದರು.